2019 წელს ტურიზმის ეროვნული ადმინისტრაცია მარკეტინგულ საკითხებზე 19 მლნ ლარს დახარჯავს. 

“2019 წლის ბიუჯეტი მარკეტინგის მიმართულებით, ჯამურად, 19 მლნ ლარს შეადგენს,” – ამის შესახებ bm.ge-ის ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა განუცხადა. 

ქვრივიშვილის განმარტებით, თანხები სხვადასხვა მიმართულებით გადანაწილდება. 

“ჩვენ გვაქვს მიმდინარე კამპანია Bloomberg-თან, საუბარია BBC-სა და CNN-ზე, ასევე საერთაშორისო ტურისტულ გამოფენებში მივიღებთ მონაწილეობას,” – განაცხადა ქვრივიშვილმა. 

მისივე თქმით, ტურიზმის ადმინისტრაციის პრიორიტეტს ევროკავშირის ქვეყნების ბაზრების ათვისება წარმოადგენს.