ტურიზმის ეროვნული ადმინისტრაცია მარკეტინგულ სტრატეგიას ცვლის და ევროკავშირის ბაზრის ათვისებას გეგმავს. 

როგორც ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა bm.ge-ის განუცხადა, უახლოეს მომავალში საფრანგეთის, გერმანიის და დიდი ბრიტანეთის ბაზრების ათვისება მოხდება, ხოლო გრძელვადიან პერსპექტივაში კი, ისეთი ქვეყნების, როგორიცაა: აშშ, იაპონია და ჩინეთი. 

“ევროკავშირის ქვეყნებში უმნიშვნელოვანესი არის ის, რომ ნებისმიერი ქვეყანა ჩვენთვის სტრატეგიული ბაზარია და ეს არის მიმართულება, სადაც ჩვენ კიდევ უფრო აქტიურად ვითანამშრომლებთ”, – განმარტა ქვრივიშვილმა. 

მარიამ ქვრივიშვილის განცხადებითვე, ადმინისტრაციამ მარკეტინული მიმართულება შეცვალა. 

“ჩვენ თარგეტირებულ მარკეტინგულ აქტივობებზე გადავდივართ, რაც კონკრეტულ სამიზნე აუდიტორიებთან კონკრეტული მესიჯებით საუბარს გულისხმობს. საერთაშორისო მარკეტინგული აქტივობები ქვეყნის ცნობადობის გასაზრდელად უმნიშვნელოვანესია“, – აღნიშნა მარიამ ქვრივიშვილმა.