„თიბისი დაზღვევა“ უერთდება აგროდაზღვევის სახელმწიფო პროგრამას და ფერმერებს სხვადასხვა კულტურების დაზღვევას სთავაზობს. თიბისი დაზღვევა დაზღვევას სტავაზობს ასევე მევენახეებს, დაზღვევა შესაძლებელია როგორც წითელი, ასევე თეთრი ვაზის.

თანადაფინანსება ვაზის შემთხვევაში 50%-ია, ყველა სხვა კულტურის 70%.

აგროდაზღვევის შეძენა ფერმერებს თიბისი ბანკის ქვემო ქართლის, შიდა ქართლის, სამცხე-ჯავახეთისა და კახეთის რეგიონალურ ფილიალებში შეეძლებათ.

დაზღვეული მოსავალი დაცული იქნება ისეთი რისკებისგან, როგორებიც არის : სეტყვა, ქარიშხალი, ჭარბი ნალექი და საშემოდგომო ყინვა.

აგროდაზღვევის სახელმწიფო პროგრამა 2014 წლის 1 სექტემბრიდან ამოქმედდა, რომელსაც სოფლის მეურნეობის სამინისტროს ინიციატივით სოფლის მეურნეობის პროექტების მართვის სააგენტო ანხორციელებს. პროგრამა მიზნად ისახავს აგროსექტორში სადაზღვევო ბაზრის განვითარებას, სასოფლო-სამეურნეო საქმიანობის ხელშეწყობას, აღნიშნული საქმიანობით დაკავებული პირებისთვის შემოსავლის შენარჩუნებას და მათთვის არსებული და შესაძლო რისკების შემცირებას.

www.travelingeorgia.ge