ტასის მომსახურების ნებართვის აღებას მსურველები 21 აგვისტოდან იუსტიციის სახლშიც შეძლებენ. თბილისის მერმა ტაქსის მძღოლებს ნებართვის მიღების პროცესში აქტიურობისკენ მოუწოდა და განაცხადა, რომ 15 აგვისტოს მონაცემებით, 200-ზე მეტი ნებართვაა გაცემული.

კახა კალაძის თქმით, ტაქსით მომსახურების ნებართვის აღება ასევე, თბილისის ათივე გამგეობაში არის შესაძლებელი. „პირველი ოქტომბრიდან, ვისაც ლიცენზია არ ექნება, შეუძლებელია, მან ეს სერვისი განახორციელოს. ამიტომ, იაქტიურეთ, რეგისტრაციის დრო ჯერ კიდევ არის“, - განაცხადა თბილისის მერმა. ტაქსით მომსახურების ნებართვის აღება ელექტრონული ფორმით 1 აგვისტოდან დაიწყო. პირველი ოქტომბრიდან ტაქსით მომსახურება უკვე ლიცენზირებული საქმიანობაა.

www.travelingeorgia.ge