ნანა თოიძე ჩვენთან საუბრისას კონკურენციასაც განიხილავს და აღნიშნავს, რომ კახეთში სარესტორნო ბიზნესის თვალსაზრისით კონკურენცია საკმაოდ დიდია. თუმცა, მათთან ტრადიციულისგან გამორჩეული გარემოა, ხოლო სივრცეში მისულ სტუმარს ქართულ და ევროპულ სამზარეულოს სთავაზობენ.

როგორც mala’s garden-ის მენეჯერი აცხადებს, სახელმწიფოსგან დახმარებას არ ელოდებიან, თუმცა მეორე სართულის გასაკეთებლად გარკვეულ სახელმწიფო პროგრამაში მიიღებდნენ მონაწილეობას.

თოიძე მიიჩნევს, რომ სარესტორნო ბიზნესში მომსახურეობისა და საკვების ხარისხი უმნიშვნელოვანესი ფაქტორია და თუ ეს ორი მიმართულება განვითარებული არ არის ბიზნესის წარმართვა რთულია.

 „ჩვენ ყველანაირ პროდუქციას ადგილობრივი მწარმოებლებისგან ვიძენთ და ზუსტად ვიცით მას რა შემცველობა აქვს. ბოლო პერიოდში ხორცთან და რძის პროდუქციასთან დაკავშირებით განსაკუთრებით მწვავედ საუბრობენ. ჩვენ ამას ძალიან დიდ ყურადღებას ვაქცევთ“, - განმარტა ნანა თოიძემ.

მენეჯერის აზრით, ქვეყანაში მოქალაქეების მხრიდან სამსახურის მიმართ მიდგომა უნდა შეიცვალოს და ბაზარმა მეტი პროფესიონალი კადრი უნდა გამოუშვას.

„მუშაობა ეზარებათ, ჩვენ გასაუბრებაზე ბევრი კადრი ვნახეთ, ვინც ეს პირდაპირ აღიარა. რა თქმა უნდა, ქვეყნისთვის ეს პრობლემაა. პროფესიონალი და მონდომებული კადრების მოძიება ურთულესი პროცესია“, - აღნიშნა თოიძემ.

ავტორი: ლიკა გურაბანიძე

commersant.ge