საქართველოს მთავრობის მიერ გავრცელებული ინფორმაციის მიხედვით, საქართველოს საერთაშორისო აეროპორტებში 2018 წლის 11 თვის ნომაცემებით მგზავრთა ნაკადი 23%-ით გაიზარდა და ჯამში 4 688 177 მგზავრს მოემსახურა.

განსაკუთრებით აღსანიშნავია, რომ ქუთაისი საერთაშორისო აეროპორტის მგზავრთა ნაკადი 2018 წლის ნოემბერში 132%-ით გაიზარდა და 47 868 მგზავრი შეადგინა.

20-21%-ით გაიზარდა თბილისის აეროპორტისა და ბათუმის აეროპორტების მგზავრთა ნაკადი.

საქართველოს მთავრობის ინფორმაციით: თბილისის საერთაშორისო აეროპორტი 2018 წლის ნოემბერში 261 209 მგზავრს მოემსახურა, რაც 39%-ით მეტია წინა წლის ანალოგიურ პერიოდთან შედარებით.

აეროპორტი 11 თვეში – 3 547 553 მგზავრს მოემსახურა და ზრდამ ანალოგიურ პერიოდთან შედარებით 21% შეადგინა. ქუთაისის საერთაშორისო აეროპორტში მგზავრთა ნაკადი 2018 წლის ნოემბერში 132%-ით გაიზარდა და 47 868 მგზავრი შეადგინა.

ქუთაისის საერთაშორისო აეროპორტი 11 თვეში 560 254 მგზავრს მოემსახურა, რაც წინა წლის ანალოგიურ პერიოდთან შედარებით 20%-ით მეტია.

2018 წლის ნოემბერში ბათუმის ალექსანდრე ქართველის სახელობის საერთაშორისო აეროპორტით 24 677 მგზავრმა ისარგებლა, რაც 33%-ით მეტია შარშანდელ ანალოგიურ პერიოდთან შედარებით.

11 თვეში ბათუმის საერთაშორისო აეროპორტში წინა წლის ანალოგიურ პერიოდთან შედარებით მგზავრთა ნაკადი 20%-ით გაიზარდა და 580 370 მგზავრი შეადგინა.