გარემოს დაცვისა და სოფლის მეურნეობის სამინისტრო მოსახლეობას აფრთხილებს, რომ ბზის მოჭრა კანონით დასჯადი ქმედებაა.

აღდგომის ბრწყინვალე დღესასწაულის მოახლოებასთან დაკავშირებით სამინისტრომ ერთგვარი კამპანია „ნუ მოჭრი გზას“ დაიწყო.

სამინისტროს მიერ გავრცელებულ ინფორმაციაში ნათქვამია, რომ აკრძალულია ბზის ჭრა, ამოძირკვა და ტოტების დაზიანება და თუ გარემოსთვის მიყენებული ზიანი აჭარბებს 1000 ლარს აღიძვრება სისხლის სამართლის საქმე.