ისტორიული ნარიყალას ციხე-სიმაგრის რეაბილიტაციის I ეტაპი დასასრულს უახლოვდება. პროექტს თბილისის განვითარების ფონდი "ახალი ტფილისის" ერთ-ერთი მიმართულებით, ისტორიულ-კულტურული ძეგლების რეაბილიტაციის პროგრამით ახორციელებს. 

თბილისის განვითარების ფონდის ინფორმაციით, I ეტაპის სამუშაოების ფარგლებში დასრულდა: 

- სატრაპეზოს პირველ სართულზე იატაკის მოწყობის სამუშაოები კერამიკული ფილებით 
- ქვაფენილით მოპირკეთდა გალავნის შესასვლელიდან ტაძრის ეზომდე ასასვლელი გზა. 

ამ ეტაპზე მიმდინარეობს: 

- სატრაპეზოს ნაგებობის შიდა სარემონტო სამუშაოები: 
- სატრაპეზოს ფასადის მოპირკეთება ბუნებრივი ქვით და აგურით ასევე შიდა კიბის მოწყობა
- ძველი გალავნის აღდგენა, რომელიც სატრაპეზოს დეკორატიულ ელემენტს წარმოადგენს. 

ნარიყალას ციხის რეაბილიტაციის I ეტაპით გათვალისწინებული სამუშაოები 2017 წლის შემოდგომაზე დასრულდება.

www.bm.ge