კულტურული მემკვიდრეობის დაცვის ეროვნული სააგენტოს დაფინანსებით მესტიის მუნიციპალიტეტის სოფელ ბეჩოში, მაზერში ომარ დადეშქელიანის კოშკის რეაბილიტაციის პირველი ეტაპი დასრულდა.

კოშკი გაიწმინდა ნანგრევებისგან, მოიხსნა და ხელახლა აღდგა გამოფიტული კედლები. სამუშაოები კომპანია „თაუერს+“-მა განახორციელა.

სვანეთის კულტურული მემკვიდრეობის ძეგლების დაცვისა და მოვლა-პატრონობის სტრატეგიული პროექტის ფარგლებში, კულტურული მემკვიდრეობის დაცვის ეროვნული სააგენტო სარეაბილიტაციო სამუშაოებს მესტიის მუნიციპალიტეტის სხვა სოფლებშიც ახორციელებს, სადაც გასული 4 წლის განმავლობაში უკვე აღდგა 80 - მდე სვანური კოშკი და მაჩუბი. არსებული მონაცემებით, სვანეთში შემორჩენილი კულტურული მემკვიდრეობის ძეგლებიდან, გადაუდებელ რეაბილიტაციას 150 – მდე კოშკი და მაჩუბი საჭიროებს.

www.travelingeorgia.ge