მთის კურორტების განვითარების კომპანიამ პირველად კოხტიდან  მიტარბიზე გადასასვლელი და უკან დასაბრუნებელი სასრიალო გზა გახსნა.

„ეს თარიღი ისტორიული მომენტია ბაკურიანელებისთვის და მოსრიალე სტუმრებისთვის“, - აღნიშნავენ კომპანიაში.

კურორტი მიტარბი 2016 წელს გაიხსნა. დაბა მიტარბის ტერიტორიაზე ორი ახალი საბაგირო და ერთი ბიგელი Black Sea Group-მა ააშენა. კურორტზე მსოფლიოში ერთ-ერთი წამყვანი მწარმოებლის, Doppelmayr-ის საბაგირო დამონტაჟდა.

როგორც მაშინ გაცხადდა, კურორტის განახლება 150 მლნ ლარის ინვესტიციას სახელმწიფო და კერძო სექტორი ახორციელებს. სახელმწიფომ ააშენა საბაგირო გზა, გაარემონტა გზები, კომპანია “ჯიარდისი” კი ინვესტიციას სასტუმროების, აპარტოტელების, მაღაზიების, გასართობი ცენტრებისა და პარკინგების მშენებლობაში ჩადებს.

კოხტა-მიტარბის საბაგიროების მშენებლობის პროექტი მთავრობამ 48 მილიონი ლარით დააფინანსა, კერძო ინვესტორი, კი 70 მილიონი ლარის ინვესტიციას განახორციელებს.

მაია დემეტრაშვილი

www.travelingeorgia.ge