დღეს, თბილისის მერმა კახა კალაძემ 1 წლიანი მუშაობა შეაჯამა და ისაუბრა იმ დასრულებულ თუ მიმდინარე პროექტებზე, რომელიც ამ წლის განმავლობაში დედაქალაქში განხორციელდა. მერის ინფორმაციით, ორბელიანის მოედნის სარეაბილიტაციო სამუშაოები მომავალი წლის იანვარ-თებერვალში, ხოლო გუდიაშვილის მოედნის რეაბილიტაცია შემოდგომაზე დასრულდება.

ორბელიანის მოედნის რეაბილიტაციაზე ჯამში 70 მილიონი ლარი დაიხარჯება, რაშიც გათალისწინებულია 20 შენობის აღდგენითი სამუშაოები, რომელთაგან 13 კულტუტული მემკვიდრეობის ძეგლია. ხოლო გუდიაშვილის მოედნის რეაბილიტაცია 50 მილიონი ლარი დაჯდება, განახლდება 20 ნაგებობა, რომელთაგან 15 კულტურული მემკვიდრეობის ძეგლია.