საერთაშორისო ექსპოზიცია - "ბოტიჩელი - სილამაზე, კარავაჯო - სინათლე"  ოფიციალურად დაიხურა. 5 ოქტომბრიდან 29 ნოემბრის ჩათვლით გამოფენას ჯამში 52,411 ვიზიტორი ესტუმრა. აქედან 47,011 ბილეთიანი დამთვალიერებელი იყო, ხოლო დანარჩენი, გამოფენის ფარგლებში ჩატარებული, სხვა და სხვა ღონისძიებაზე დამსწრე "უბილეთო" პირები, გამოფენის გახსნასა და დახურვაზე მყოფი სტუმრები, საგანმანათლებლო პროგრამებში მონაწილე მოზარდები და ოფიციალური დელეგაციები.

მიქელანჯელო მერიზი და კარავაჯოს შედევრების გამოფენა აერთიანებს კარავაჯოს 40 ნამუშევრის ნატურალური ზომის მაღალი რეზოლუციის ციფრულ რეპროდუქციებს. ექსპოზიცია წარმოადგენს ქრონოლოგიურ, ისტორიულ და თემატურ მოგზაურობას მხატვრის შემოქმედებაში (რომის პერიოდის ტილოებიდან - მხატვრის უკანასკნელ ნამუშევრებამდე). გამოფენა 2003 წლიდან მოგზაურობს იტალიასა და მის ფარგლებს გარეთ და უკვე ათ მილიონზე მეტი ვიზიტორი გაეცნო მხატვრის ყველა ნამუშევარს ერთ სივრცეში. გამოფენის ორგანიზებისთვის საქართველოს მთავრობამ 75 000 ევრო გამოყო, თანხის დიდი ნაწილი კი იტალიის საელჩომ დაფარა. მიქელანჯელო მერიზი და კარავაჯოს ორმოცი, ნატურალური ზომის, ციფრული რეპროდუქცია, რომლებიც ე.წ. „ლაითბოქსებით“, ეკრანებითაა წარმოდგენილი დ. შევარდნაძის სახელობის გალერეის რამდენიმე დარბაზში იყო განთავსებული. სანდრო ბოტიჩელის „ვენერა“ კი ორიგინალია და გალერეის ერთი დარბაზი ეკავა.