„2016 წელს რომ შევადაროთ, ჩვენმა კომპანიამ 2017 წელი 38%-იანი ზრდით დაასრულა. ბაზრის წილზეც, რომ ვისაუბროთ, „ატლასგლობალი“ ყოველდღიურად ახორციელებს რეისებს თურქეთის მიმართულებით და აქ არის სამი მოთამაშე ჯამში, თურქეთის მიმართულებით გვაქვს 75%-იანი ზრდა. თურქეთი კვლავ რჩება ძირთად მიმართულებად და ეს ის ურთიერთობებია, რაზეც ვალუტის ცვლილება გავლენას ვერ მოახდენს. თურქეთი ყველაზე დიდი ინვესტორია, აქედან გამომდინარე თურქეთს ირჩევს საქართველოს მოსახლეობის დაახლოებით 56%, რაც საკმაოდ მაღალი მაჩვენებელია. ამან მოახდინა გავლენა იმაზე, რომ ლარის კურსმა არ იმოქმედა გაყიდვებზე ისე, როგორც შეეძლო მოეხდინა“, — აცხადებს „ატლასგლობალის“ გენერალური დირექტორი.

მისივე თქმით, თურქეთში ტურისტული თვალსაზრისით საქართველოზე ინტერესი დაბალია, ამიტომ, აუცილებელია, რომ ქართულმა ტურისტულმა კომპანიებმა ამ მიმართულებას სერიოზული ყურადღება მიაქციონ.

„ქართულმა კომპანიებმა თურქი ტურისტების მოზიდვაზე უნდა იზრუნონ. თურქეთი 80 მილიონიანი ქვეყანაა, რომელიც არ არის აქტიური საქართველოს ათვისებაში. ორი მნიშნელოვანი ფაქტორია - თურქეთი თავის თავს აპოზიციონირებს, როგორც ყველაზე მიმზიდველი ტურისტული ქვეყანა და აქვს ძალიან კარგი სტრატეგია შიდა ტურიზმის განვითარებისთვის. ისინი ცდილობენ საკუთარი მოქალაქეები თურქეთშივე ამოგზაურონ. თურქები თბილისში არ ჩამოდიან როგორც ტურისტები. თურქული ბაზრისთვის საინტერესოა ბათუმი, არსებული ინფრასტრუქტურით და სათამაშო ბიზნესით. აქედან გამომდინარე თბილისი კარგავს ამ ტურისტებს, რომლებიც უნდა ჩამოდიოდნენ. ამასთან, ინფრასტრუქტურის თვალსაზრისით ჩვენ კონკურენციას ვერ ვუწევთ სტამბულს, ჩვენთან სასტუმროების ფასი არის მაღალი. კონკურენცია შეგვიძლია გავუწიოთ შაბათ-კვირის ტურებში“, — განაცხადა თამუნა თანდაშვილმა.